SIMPLENG LEVEL NG EXERCISE PARA SA BUSY NA TAO

Getting Started

Ang pinakamahirap sa exercise plan ay paano magsimula. Ito ang mga ilang idea para makapag-umpisa ka ng tama:

Setting your mind – ang exercise ay magbibigay sayo ng improvement pagdating sa pagtingin mo sa sarili, ano ang nararamdaman mo sa iyong sarili at paano ka makikitungo sa ibang tao.

Have a good mental image – imagine ang iyong sarili kung ikaw ay may regular na exercise.

Setting priorities – dapat mas nauuna sa listahan mo ang exercise kaysa sa ibang gawain na hindi gaano ka-importante.

Take it easy – huwag pahirapan ang sarili. Madadaan ito sa step by step process.

Doctor’s advise – bago pa man ang lahat, magpasuri muna sa iyong doctor lalo na kung ikaw ay may health problem.

The Level Way to Work Out

Sa lahat ng bagay tungkol sa exercise ay dapat nagsisimula sa mas magagaan na gawain bago ang mahihirap na level. Kapag inumpisahan muna sa magaan ay hindi na gaanong mahirapan sa susunod na level. Kung kayo ay susunod sa tamang exercise ay maiiwasan ninyo ang pag-overwork ng muscle na magbibigay sa inyo ng matinding sakit ng katawan na dahilan upang kayo ay sumuko na at hindi ituloy ang exercise.

Unang Level

Ang mga simpleng exercise na maari mong gawin na hindi na kailangan na pumunta sa gym ay paglalakad. Madami na ang nagsabi ng ganitong payo pero ito ay talaga epektibo at hindi magastos. Magiging maganda ang iyong lifestyle at magkakaruon ka pa ng regular na exercise kung gagawin mo ito. Hangga’t maari ay humanap ng paraan upang makapaglakad lalo na kung kayo ay madaming oras.

Pangalawang Level

Bukod sa paglalakad at paghahanap ng paraan para maglakad, humanap naman ngayon ng kaunting panahon para magstretching. Maglaan ng ten minutes para sa stretching sa umaga para energized ka na simula pa lang ng araw. Magstretching ka kapag ikaw ay tinatamad ng gumawa ng trabaho mo sa opisina para mabuhayan ka. Ten minutes lang na exercise ay malaking tulong na kung ginagawa mo ito araw araw.

Pangatlong Level

Sa pangatlong level, gawin 20 minutes na ang exercise araw araw. Huwag subukan na mag-exercise ng 40 minutes ng isang araw para lagpasan ang isang araw na walang exercise. Maging consistent sa 20 minutes. Kung sa pangalawang level ay stretching lang ang ginagawa mo, sa pangatlong level ay dagdag mo ng mas madami klase ng exercise. Kung feel mo sumayaw, maari mong gawin ito ng 20 minutes. Kung gusto mo naman ng magkaruon na magandang muscle ay light weights ang gawin mo.

Maari mong gawin ang 20 minutes exercise sa time na gusto mo. Maaring sa umaga para energized ka na sa buong maghapon na trabaho o sa gabi para matanggal ang stress mo at madali ka ng antukin para makapagpahinga na.